नेपाल सरकार
गृह मन्त्रालय
जिल्ला प्रशासन कार्यालय,
मुगु


  जिल्लाकाे परिचय

    अपडेट हुदैँ छ।

                 

 

            नेपालको ६ न उत्तरी भेगमा अवस्थित अति विकट दुर्गम र पिछडिएको जिल्लाको रुपमा मुगु जिल्ला चिनिन्छ । ऐतिहासिक, प्राकृतिक, सांस्कृतिक तथा  पौराणिक  किम्वदन्तीहरुले धनि जिल्ला मानिने यस जिल्लाको सदरमुकाम गमगढी रहेको छ । प्राय : मुगाली भनेर चिनिने यस क्षेत्रका बासिन्दाहरु रारा तालको  मालिक भन्न रुचाउछन् । यस जिल्ला मुगु कर्णाली, हुम्ला कर्णाली जस्ता नदीहरु त्यसैका छेउछाउमा बस्ने डाँफे, कालिज चराहरुको सुमधुर धुन र कस्तुरीहरुको नाचले मुगु जिल्लाको बिशेष परिचय दिन्छन् । पशुपालन, साना व्यवसाय र जडीबुटी प्रमुख रहेका छन । स्वास्थ्य, शिक्षा जस्तो सामाजिक क्षेत्रमा अत्यन्तै पछाडी परेको भएता पनि विस्तारै आफु र आफ्ना आवश्यकताहरुको पहिचान गर्नसक्ने यस क्षेत्रका बासिन्दाको चेतनामा बृद्धि हुँदै आएको पाईन्छ । सडक यातायातको अभावमा महंगो खाद्यान्न तथा औषधोपचारको सामना गरी रहनु परेको छ । निकट भविष्यमा जनता स्वयं र सरकारी प्राथमिकताको आधारमा विकासको उज्यालो देख्ने कुरामा यहाँका बासिन्दाहरु आशावादी रहेका छन् । मुगु जिल्लामा भौगोलिक बिबिधतासंग धार्मिक, सांस्कृतिक तथा भेष भुषामा पनि विविधता भएको जिल्ला हो । यहाँको सांस्कृतिक विविधता निकै अचम्म लाग्दो छ । त्यसैगरी यस जिल्लामा असुरो देखि यार्सागुम्वा र सिसौ देखि देवदार जस्ता काठ पाईने हुनाले यहाँको प्राकृतिक सम्पदामा पनि निकै विविधता पाईन्छ । त्यसै गरी तराईको गर्मी हावापानीमा फल्ने आँप, केरा, उखु पहाडमा पाईने सुन्तला र हिमालमा पाईने स्याउ, नास्पती जस्ता फलफूलहरु पाईनुका अतिरिक्त बाबियो, घाँस देखि बुकी फूल सम्म पाईने यस जिल्लाको भौगोलिक विविधता पनि अचम्मको नै छ । पौराणिक किम्वदन्ती अनुसार विभिन्न भनाईहरु रहेता पनि यस जिल्लाको उत्तर भेगकोमा पर्ने मुगु गाँउको नामबाट यस जिल्लाको नाम रहन गएको छ  ।

 

भौगोलिक स्थिती ­

क्षेत्रफल                                    :–         ३१०३ बर्ग किलो मिटर

उचाई                                       :–         १२०१ मिटर देखि ६७०७ मिटर सम्म 

अक्षांस                                     :–         २२ डि.४० देखि २९ डि.५६.३० उत्तरी अक्षांस ।

देशान्तर                                    :–         ८१ डि.४६.४० देखि ८२ डि. ४९.५७ पूर्व 

सदरमुकाम गमगढीको उचाई    : –            २२६६ मिटर

 

 सीमाना

पूर्व                  :-         डोल्पा

पश्चिम               :-          बाजुरा

उत्तर                 :-          हुम्ला देखि चीनको स्वशासित क्षेत्र तिव्वत

दक्षिण              :-          जुम्ला, कालिकोट

 

 स्थानिय तह संरचना अनुसार मुगु जिल्लाको बर्गिकरण :-

क)  खत्याड गाउँपालिका  :–        सेरी, खमाले, गम्था, श्रीकोट, कोटडाँडा, सुकाढिक, ह्याङलु ( ७ वटा गा.बि.स.) ।

ख)  सोरु गाउँपालिका                   :–         जिमा, रारा, कालै, धैनाकोट, भिई, फोतु, नाथर्पु ( ७ वटा गा.बि.स.) ।

ग)  छायाँनाथ रारा न.पा.               :–        रोवा, रुघा, पिना, श्रीनगर, कार्कीवाडा (५ वटा गा.बि.स.)

घ)  मुगुम कार्मारोंग गाउँपालिका    :-         मुगु , डोल्फु, पुलु, किम्री र मांग्री (५ वटा गा.बि.स.)

 

 हावापानी र तापक्रम

मुगु जिल्लाको समशितोष्ण, उष्ण, शितोष्ण र शीत प्रधान हिमाल (ठण्डा शितोष्ण) समेत जम्मा ४ किसिमका हावापानी पाईन्छ ।

 तापक्रम हिउरेखा भन्दा तल न्यूनतम ८ डिग्री सेल्सियस देखि अधिकतम ३० डिग्री सेल्सियस हिउ रेखा भन्दा माथी ० डिग्री सेल्सियस ।

औसत बार्षिक बर्षा       : –   ७०६   मि.मि. सम्म ।

  प्राकृतिक सम्पदा

१)  मूख्य नदी  :–  डोल्फु कर्णाली र मुगु कर्णाली । (२) खोला :– खत्याड, गमगाढ आदी । (३) प्रमुख ताल :– राराताल

जनसंख्या        :–    २०६८ सालको जनगणनाको प्रारम्भिक नतिजाको आधारमा ।

कुल जनसंख्या   :–    ५५१००                   महिला            :–   २६५९२          पुरुष                 :–      २८५०८

बृद्धिदर             :–    २.०९ %                  घर संख्या         :–   ९३०२           परीवार संख्या      :–       ९६७७

साक्षरता पुरुष     :–    ४९.५%                 साक्षरता महिला :–    ९%             जनसंख्या बृद्धिदर :–       २.०९%

 

  • एकिकृत घुम्ति शिविर सेवा २०७५-३-८

    एकिकृत घुम्ति शिविर सेवा         यही मिति २०७५।०२।३१ गते देखि २०७५।०३।०७ गतेसम्म जिल्ला प्रशासन कार्यालय मुगुका प्रमुख जिल्ला अधिकारी श्री उमाकान्त अधिकारीको नेतृत्वमा र खत्याड गाउँपालिकाकाे समन्व्यमा विभिन्न विषयगत कार्यालयका प्रमुख तथा कर्मचारी सम्मिलित खटिई गएको घुम्ति शिविरबाट मुगु जिल्लाको खत्याड गाउँपालिकाका स्थानिय बासीलाई निम्न अनुसारको सरकारी सेवा प्रदान गरिएको व्यहोरा सादर जाहेरका लागि अनुरोध छ । सि.नं. कार्यालयहरु प्रदान गरिएको सेवाहरुको विवरण १ जिल्ला प्रशासन कार्यालय, मुगु ।              क. नयाँ नेपाली नागरिकता –६६५                                  …

  • सेवा ग्राहीसँग जी प्रशा का, मुगुको विशेष अनुराेध २०७५-३-४

    सेवाग्राहीसँग जिल्ला प्रशासन कार्यालय, मुगुकव विशेष अनुरोध १. जिल्ला प्रशासन कार्यालयबाट प्रदान गरिने कुनै पनि सेवा वापत सेवाग्राहीले कुनै अतिरिक्त शुल्क तिर्नु पर्दैन ।  २. जिल्ला प्रशासन कार्यालयको कामको लागि भनी कोही कसैलाई चिन्न भनसुन गराउन वा सोर्स लगाउनु पर्दैन । ३. जिल्ला प्रशासन कार्यालयका कर्मचारीहरुसँग राम्रो सम्बन्ध छ भनी हामी काम मिलाई दिन्छौ भन्दै विचौलियाको काम गर्ने व्यक्तिहरुको विश्वास नगर्नुहोस । यदि कसैले त्यस्तो गरेको थाहा पाएमा कार्यालयका सहायक प्रमुख जिल्ला अधिकारी ज्युलाई सूचना दिनुहोस । ४‍. कामसँग सम्बन्धित कागजपत्रहरु असम्बन्धित व्यक्तिहरुलाई नदिनुहोस । ५. जिल्ला प्रशासन कार्यालयका कर्मचारी कानुन बमोजिम तपाईको सेवा गर्न हरदम प्रयत्नशील छन् । तपाईको…

  • घुम्ती शिविरबाट नागरिकता वितरण गरिदै २०७५-३-३

    मुगु  असाढ ३,  जिल्ला प्रशासन कार्यालय मुगुको आयोजना र खत्याड गा.पा.को समन्वयमा  मिति २०७५ जेठ ३१ गते देखि असाढ ३ गते घुम्ती शिविर सञ्चालन गरी नागरिकता टोलीद्वारा नेपाली नागरिकता वितरण गरिदै छ । खत्याड गाउँपालिकाका जनताको सुविधालाई मध्यनजर गरी यो शिविर सञ्चालन गरिदैँ छ । साथै मिति 2075/03/03 देखि प्रजिअ सहित जिल्लास्थित नापि,मालपोत,शिक्षा,स्वास्थ्य,महिला विकास,पशुसेवा,कोष टिम समेतवाट मुगु जिल्लाको खत्याड गाॅउपालिका,माझचौरमा नागरिकता,नावालक परिचयपत्र,अपाङ परिचयपत्र सहित बिषयगत कार्यालयका सेवाहरू प्रदान गरिने भएकोले सम्बन्धित सबैको जानकारीको लागि हार्दिक अनुरोध छ !

  • स्वर्गकि परि रारा ताल २०७५-१-१३

    नेपालको कर्णाली अञ्चलको मुगु जिल्लामा अवस्थित नेपालको सबैभन्दा ठूलो र प्रसिद्ध ताल हो । यो ताल समुद्र सतहदेखि २,९७२ मिटर उचाईंमा अवस्थित छ । जिल्लाको सदरमुकाम गमगढीबाट परिश्चम तर्फ करीब ३ घण्टाको पैदल यात्रा गरेपछि राराताल पुगिन्छ । १०.८ वर्ग किलोमिटर क्षेत्रफलमा फैलिएको रारा तालको अधिकतम लम्वाई ५ किलोमिटर र अधिकतम चौडाई ३.२ किलोमिटर छ भने गहिराई १६७ मिटर छ । प्रकृतिको उपहारको रूपमा श्रृजित राराताललाई रारा राष्ट्रिय निकुञ्जको मनोरम हरियाली यसमा पाइने कस्तुरी, रतुवा जस्ता जन्तुहरूका साथै नेपालको राष्ट्रिय चरा डाँफे र अन्य चरा चुरुङ्गीहरूले समेत थप शोभा पुर्याएका छन् । यसको वरिपरि विस्तारित राष्ट्रिय निकुञ्ज १०६ वर्ग किलोमिटर क्षेत्रफलमा फैलिएको छ ।                                                            दिनभरीमा आफ्नो रुप फेरिरहने राराताल जेष्ठ…

  • सम्पति फारम download गर्नुहाेस । २०७५-३-३

    सम्पति फारम download गर्नुहाेस ।

  • गैर सरकारी स‌‌‍स्थाको दर्ता तथा नवीकरण जरुरी सुचना २०७५-३-३

    गैर सरकारी स‌‌‍स्थाको दर्ता तथा नवीकरण सम्बन्धी अत्यन्त अरुरी सुचना मिति २०७५/०३/०३ यस मुगु जिल्लामा दर्ता भएका तथा यस जिल्लालाई कार्य क्षेत्र बनाई कार्यरत सरकारी तथा गैरसरकारी स‌ंघ/ संस्थाहरुलाई  स‌स्थाकाे वर्तमान कार्य समितिका पदाधिकारीहरुको नाम थर, ठेगाना, सम्पर्क नम्बर सहितको विवरण अधाविधक गरी यस कार्यालयमा र समाज कल्याण परिषदमा याे सूचना प्रकाशित भएको  मितिले ‍(एक महिना भित्र उपलब्ध गराउने ) विगत ३ वर्षदेखि नविकरण नभएका स‌स्था भए विवरण बुझाउने लगायतका अावश्यक प्रकृया पूरा गरी याे सूचना प्रकाशित भएको  मितिले १५ दिन िभत्र नविकरण गराई सक्नुपर्नेछ ।  बाकी बुँदाहरु हेर्नलाई सुचना download गर्नुहोस । धन्यबाद !!

  • यस कार्यालयकाे वेबसाईत पुन रुपमा सुचारु २०७५-१-१३

    यही मिति २०७४।०१।१० देखी यस कार्यालयकाे वेबसाईत पुन रुपमा अपडेट भकाे छ। साथै अब यही वेबसाईटबाट तपाईहरुले पुन जानकारी पाउन हुन्छ । 



© सर्वाधिकार सुरक्षित गृह मन्त्रालय